Nuwe lokaal vir Inspan Volkspelelaer

Inspan het vir meer as 45 jaar elke Maandagaand in Laerskool Goudrand se skoolsaal geoefen.

March 16, 2020

Tayla Smit Less than a minute

Lede van die Inspan Volkspelelaer oppad na Hoopstand se saamtrek.

Inspan Volkspelelaer gaan van lokale verskuif.

Die volkspelelaer vergader nou voortaan op ’n Maandagaand om 7.30nm in die saal van Witfield Park Aftree-oord, Pitoutstraat, Ravensklip.

Marita van der Walt, sekretaresse by die volkspelelaer, het verduidelik dat die skool se beheerraad onlangs besluit het om nie meer hul fasiliteit vir buite instansies beskikbaar te stel nie.

“Ons het volle begrip daarvoor en is dankbaar teenoor die skool vir die jarelange gebruik daarvan.

“Inspan wil hulle dan ook langs hierdie weg van harte bedank dat ons die voorreg gehad het om hul fasiliteit oor soveel jare heen te kon gebruik,” het sy gesê.

Marita kan by 074 116 5497 geskakel word vir enige navrae.