Die leiers en monitors van Laerskool Concordia het op 12 Junie die inwoners van SAVF Huis Dien Bothma se oggend opgekikker.
Hulle het ’n vermaakprogram in die saal aangebied, waarna hulle ’n geestelike lied gesing het.
Leerlinge van die skool het ook produkte soos tandepasta, waslapppies, sepies, sagte lekkers en koekies geskenk.
Volgens Ronel Steenkamp, die skool se woordvoerder, was dit vir die kinders ’n ongelooflike belewenis.
“Die leerders het met goeie gees vanaf die skool vertrek met die pakkies wat hulle vir die bejaardes gepak het. Om die glimlagte op elke bejaarde se gesig te kon sien en die warm handrukke wat hulle uitgedeel het, het menig met trane in die oë gelaat,” vertel Ronel.
FOLLOW US:
For more #hyperlocal news at your fingertips, visit Benoni City Times, Springs Advertiser, Brakpan Herald, African Reporter and Kathorus Mail.
