’n Ander Yorkshire Terrier (Basjan) is tans by die veearts onder bewaking, terwyl ’n Dalmation (Patches) by die huis versorg word.
Die twee Spaniels en die Dalmation behoort aan JJ Diamond, terwyl die twee Yorkshire Terriers aan sy skoonpa – Sakkie Kelder – behoort.
Kelder het ongeveer 4vm vanoggend (Maart 17) reeds opgemerk dat Basjan nie homself is nie.
“Ná hulle ondersoek ingestel het, het my skoonpa op Benjamin gekom,” het Diamond gesê.
“Ons het geen onraad deur die nag vermoed nie, behalwe vir ons bure wat ongeveer 2vm ons honde verskriklik hoor blaf het.”
Daar is nie ander honde in die straat vergiftig nie.
“Ek het nog nooit ’n volwasse man só sien huil oor ’n hond soos my skoonpa nie; hul honde is vir hulle soos maatjies.”
Diamond en sy familie glo vas dat Basjan gaan deurdruk.
Geen items is vanaf die eiendom gesteel nie.
Volgens die Boksburg Noord SAPD kommunikasiebeampte, Luit Juanita Coetzer, word ’n saak van diere mishandeling ondersoek. – @IschkeBoksburg
